بمناسبة العيد ....

كل سنة وانتوا طيبين

وبمناسبة العيد أحب أهديكم مجموعة من قصائد شاعر العامية الجميل على سلامة

ومع أول قصيدة...........
بقول لهم مين اللي بيعيط بحرقة ده؟
قالوا لي مواطن اتصور وهو بينضرب
قلت لهم ومين الأمور اللي بيضحك دة؟
قالوا لي ده واحد عمل شوية كوارث وهرب
قلت لهم والدنيا عتمة هناك كدة ليه؟
قالوا لي دي حتة جديدة بتتخرب
قلت لهم ومين الحاوي اللي بيتكلم دة؟
قالوا لي دة الوضع بيتقلب
وايه الهيصة اللي في الساحل الشمالي دي؟
قالوا لي دي البقرة بتتحلب
قلت لهم وانتوا قلقانين كدة ليه؟
قالوا لي اصل بنلاعب الكاميرون وخايفين نتغلب.
**********************************************************************************
بمنتهي البراءة ...
سأليتني …بنتي نور ....
ف أربع خمس ..أمور …
مش ف كتاب القراءة ...
قالتلي .. بابا بابا ..
مش إنت .. يا بابا ..
بتكتب أغاني ..وتقول أشعار ..
أنا سمعت ..الشيخ يا بابا ...
بيقول إنك يا بابا …ها تروح النار ...
زي الوحشين يا بابا ...الحراميين الكفار ....
قوللي يا بابا ....
يعني إيه إستعمار ....
يعني إيه نيل ...
يعني إيه هرم ..
ومين اللي حط ...النسر فوق العلم ...
يعني إيه يا بابا ...إستفتاء ….
و يعني إيه إنتخاب ...
ويعني إيه حر ...
ويعني إيه نصاب….
يعني إيه إختلاس ..
ويعني إيه هجاص ..
ويعني إيه خصخصة ..
يعني إيه يا بابا ....دستور ….
يعني إيه معارضة ..
ويعني إيه مظاهرة ..
وليه النهاردة ...
خدنا أجازة ...
م المدرسة .....
قوللي يا بابا ...
.يعني إيه قهر ..
وفين …خط الفقر ...
ويعني إيه حظ ..
ويعني إيه زهر ...
يعني إيه يا بابا ...حريه …..
يعني إيه إنسان ..
ويعني إيه سرطان ...
يعني إيه يا بابا ...خربوها ….
ومين دول يا بابا ..
ولاد القطقوطة ...
ومين دي ...سمارة يا بابا ....
وإزاي يا بابا ...ضاعت من قلبك ...
يا بابا .....إنت معايا ....
فيه يا بابا ناس ...بتقول كفايه ...
وفيه كمان عساكر ...مسكين عصايا ...
وبنات متعورين ...
وتانين …ماشين بيضحكوا ...
هما دول إسرائلين ..
يا بابا .....
ويعني إيه ...ويعني إيه ...
قولتلها ….نور ….
ممكن أسألك سؤال
قالتلي ….إتفضل يا بابا ...
قلتلها ….
هيه قناة Space toon ...
************************************************************رقم كام …..
وخدتها .....عشان تنام .
خايف أصحى مالاقيش مصر
ساعات بقلق بالليل
يعني بالليل شوية كده
قبل الفجرحسب الظروف كده
بعد العصر
خايف يوم أصحي..
وأفتح الشباك..
مالاقيش مصر
ألاقيها لمت هدومها ومشيت
لمت هدومها علي نيلها علي هرمها وطفشت
وحلفت ميت يمين ماهي قاعدلنا
ماهي زهقت.. تعبت.. إتخنقت
أصلنا زودناها..
أكننا استعمرناها..
ورثناهامصر البنوتة الحلوة اللي زي القمر
بقت عجوزة وشايبة
وبان عليها الكبر
خايف يوم أصحي..
وأفتح الشباك..
مالاقيش مصر.
***********************************************************************************
ابنى ابو لسان طويل
قالىيعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاطوكمبيوتر مش نافع..
.من الاخر معرفتش تتصرف..
مقدرتش تقول لاءمش مسافر.......
.منين الكحه دى يا بابا...
دى عمر..!!
ولابرد...ولا سجاير..!
انت عارف يا بابا انا بقالى اد ايه بستناك؟؟
ايه يا باباانت هاتعيط ....
ده انا كنت بهزر معاك...
كنت بهزر معاك .
************************************************************************************
مش دى .. بطاقتى
وده .. رقمى القومى
ودى .. الحقيقة ..وده الخيال ....
ومش دي الخريطة ..
ودي المدينة ..
وده المحور ..
وده المترو ..
وكده يمين .. وكده شمال ..
مش ده ظابط .. وده عسكرى ..
وده طبيب .. وده كمسرى ..
وده منجد .. وده بقال ..
مش ده جامع .. ودى مدرسة
وده بيت دعارة ..وده سمسار ..
وده شيال .....
مش ده فستان ..
ودى جلابيه وده شورت ..
وده مفيش ..وده شال ....
مش ده اتوبيس .. ودى عجلة ودول حمير ....ودولا جمال .....
مش ده عمى .. ودى أختىو دول صحابى
..وده كمال ....
مش ده شارعنا .. وده بيتنا ..ودى مراتى ..ودولا العيال ...
مش ده الوطن .. وده المواطن ...
وده التاريخ .. اللى إتقال ...
أمال ليه .. كل ما اروح فى حته و أسأل سؤال ...
.يقولولي .. جايز ... يمكن .... إحتمال .
***********************************************************************************
على باب سفارة كندا..
لمحت ابليس و ف ايده استماره..
بقول له على فين..
قاللي بص..
يا هجره يا اعاره..
يا عم زهقت كفرت..
الاقيش معاك سيجاره..
انا انتهيت خلاص..
لا نافع وسواس ولا خناس..
ولا ليا عيش وسط الناس دي عالم مجرمين..
عندكوا فائض ف الفساد..
في كل البلاد..
ومش محتاجين شياطين..
مليش عيش ف البلد دي....
بقالي سنين عاطل...
و انتوا بتعرفوا..تقلبوا الحق باطل..
و تسلكوا القاتل..
و تمشوا ف جنازة المقتول..
ومفيش مشاكل..
يا عم ده انا بقيت أوسوس بالمقلوب...
و أقول للحرامي كفايه بقى توب..
انت هاتعمل كل الذنوب لوحدك...
و أنا ابليسأشتغل واعظ ..
ولا كمساري ف اتوبيس..
يا عم ده انا زمان..
كنت استنى حد ينسى يسمي..
وهو بياكل لقمته..
دلوقتي كل اكلكم ملوث..
و بصراحه الواحد خايف على صحته...
ده مفيش ضمير اساسا..
عشان اموته..
و كل واحد بمزاجه..
خربانه ذمته...
يا عم ده كل حاجه اتسرقت..
وكده الاجيال الجديده..
م الحراميه اتظلمت.
.يا راجل ده من كتر ما لطشت معايا..
خرجت ف مظاهره..مع الناس اللي بتقول كفايه...
و برضه مفيش فايده
*************************************************************
مرة تانية كل سنة وانتوا طيبين
ويارب العيد الجاى يجى ومفيش فى البلد لا فساد ولا استبداد بس همتكوا معايا .

تحياتى ........
عمار صبرى


قصة الرجل الذئب !!!


استيقظ فى منتصف الليل على هذا الصوت الذى شق سكون الليل ، لم يكن يعرف مصدره ،
كان صوت صراخ عالى ، استيقظ مذهولا ولكنه فوجئ بملامح من فى البيت عادية كمن
اعتاد حدوث ذلك .
همّوا أن يعودوا إلى نومهم ولكنه همّ أن يخرج ليرى ما حدث فمنعوه من ذلك هدده صديقه
قائلا لا تفعل ، تسائل متعجبا : لماذا ؟؟ وما هذا الصوت. قال له :انه الرجل الذئب .
- الرجل الذئب ؟؟ماذا يعنى هذا ؟ وما الرجل الذئب ؟
رد عليه صديقه قائلا :إنها قصة طويلة سوف أحكيها لك فى الصباح هيا ننام الآن.
دخل إلى غرفة النوم ولكن الفتى لم تغفل عينيه ظل يفكر فى الرجل الذئب وكيف يكون شكله
؟ وهل من المعقول أن يكون هناك رجل ذئب حقيقي ؟ حتى لو وجد ألا يستطيع سكان القرية
أن يقاوموه ؟ كيف يتركونه يأكل منهم من يأكل ثم يخرج هكذا وأهل القرية كثيرون؟
أخذ يتذكر كيف أتى إلى هذا القرية مع صديقه الذى تعرف عليه فى الجامعة وكان بالفعل
خير الصديق وقف معه فى محنته بعد غرق والديه فى العبارة .
وفى الصباح التالى استيقظ صديقه واستيقظ أهل البيت وتوضأ وصلى الصبح ثم تناول
الفطور وخرج مع صديقه ،وسأل صديقه عما حدث ليلة أمس
قال صديقه : سوف أحكى لك القصة من البداية لقد جاء الرجل الذئب إلى هذه القرية منذ
زمن واستولى على قطعة ارض على أطرافها وقتل صاحبها ومن يومها ينزل إلى القرية
كل ليلة يقتل ويسلب ثم يعود ....
قال الفتى : ماذا ؟؟ يقتل ويسلب ثم يعود كيف ذلك ؟ وأين أهل القرية كيف يحدث ذلك ؟
ولماذا لا يواجهونه ألا يستطيعون أن يقفوا فى وجهه وهم كثيرون ؟
- أهل القرية !! إنهم منشغلون بمصالحهم كل منهم يريد مصلحته فقط طالما أنه آمن .
- وكيف يكونوا أمنيين ربما يكون الدور اليوم على أحدهم وغدا على الآخر ألا يدرون
ذلك ؟
- لقد سيطر الخوف عليهم فعميت قلوبهم .
قال الفتى :لقد كنت أظن أن الرجل الذئب خيالا !!
رد صديقه : إن الرجل الذئب الذى أحكى عنه هو إنسانا عاديا ولكن لقب الذئب هذا قد أطلق
عليه لفظائعه التى يرتكبها.
الفتى : حقا . لقد فهمت ، ولكن لا يمكن السكوت عن هذا الحال
رد صديقه : وماذا سنفعل ؟
الفتى : لا بد من أن أقابل أهل هذه القرية .

ومن يومها أخذ الفتى يدور على بيوتهم ويحدثهم ويحثهم على الشجاعة وعدم الرهبة فهم
كثيرون وهو وحده ويذكرهم بأنهم إن سكتوا عنه فسوف يلقون نفس المصير وهو القتل ....
ولكن
لا فائدة مازال أهل القرية فى خوفهم ومازال القتل مستمر .
ملّ الفتى من إسداء النصح لأهل القرية وهم لا يستجيبون فقرر أن يرحل وجمع حاجاته
ليعود إلى القاهرة وركب أول قطار متجه إلى القاهرة وقبل أن يتحرك القطار سمع صوتا
الصراخ يدوى .........
استيقظ من نومه مفزوعا فى شقته فى القاهرة فقد كان يحلم جلس قليلا حتى هدأ ثم قام وبعد
أن توضأ وصلى وتناول فطوره نزل إلى عمله أخذ يسير فى الشوارع ينظر إلى وجوه الناس
تذكر كيف ترتفع الأسعار تذكر مدى الظلم الواقع عليهم وتذكر كيف أنهم هم السبب فى هذا
الظلم لأنهم يسكتون عنه .
تذكر كل هذا وتذكر أهل القرية والرجل الذئب فعلا لا فرق
فالظلم هو الظلم
والمظلومين هم المظلومين لا يتغيرون دائما يتصفون بالسلبية
يتنازلون عن حقوقهم
يتسمون بالسذاجة ويسمونها طيبة
فحتى متى هذا الذل....
وحتى متى هذا الطغيان .
تحياتى ,