أوباما ولى من أولياء الله الصالحين
أى والله ! شوفتوا ازاى
ده مش كلام
دى حقيقة ومش أنا اللى بقول كده
بصراحة أنا مكنتش عاوز اكتب فى الموضوع ده
لأنى بصراحة مش شايف فيه حاجة
ايه يعنى اوباما بيتكلم
وايه يعنى اختار مصرالمحروسة
الراجل رئيس أمريكا
والشعب الامريكى هو اللى اختاره
فضرورى يعمل لمصلحة أمريكا
أمال هيعمل لمصلحة بولاق الدكرور
نقوم احنا نصقفله ونهتفله
طيب نشوفه هيعمل ايه الأول !
المهم
نرجع لموضوعنا
بعد خطاب أوباما التاريخى
وفى خطبة الجمعة بمسجد الحصرى بمدينة 6 أكتوبر
وقف الخطيب معلقا وقال
ان أوباما اما أن يكون نبيا أو وليا من أولياء الله الصالحين
وهو بالطبع ليس ولى ولكنه أكيد ولى من أولياء الله الصالحين
وأضاف بأن أوباما هو ذى القرنين هذا الزمان
ثم توج الخطبه بأن دعا له أن يبارك فيه الله
شوفتم بقى خيبتنا وصلت لفين
مجرد رجل طلع اتكلم كلمتين
بقى خلاص ولى من أولياء الله الصالحين
ومدد يا سيدى أوباما
تحياتى ...
.jpg)
هناك 4 تعليقات:
انا مش معاك اوباما ان شاء الله هيغير حاجات كتيرة قوى
وخطابه كان كويس قوى ومتوازن
وعلى فكرة كون انه يختار مصر فدى حاجة جامدة قوى قوى
ندا منير ..
أوباما لو هيغير حاجة فهو هيغير الحاجة اللى فى مصلحة أمريكا
وده حقه
احنا دايما منتظرين اللى يغير لنا وضعنا
وده مش هيحصل
ثم ان أمريكا مش زى مصر دى دولة ديموقراطية
دولة مؤسسات
يعنى مش أوباما لوحده اللى يقدر يغير سياسات الدولة
فى مجلس شيوخ أمريكى وغيره من المؤسسات
التشريعية والسياسية المسئولة عن تحديد السياسة العامة للدولة
وأبسط مثال على كده تعليقه على مشروع حل الدولتين اللى قاله نتنياهو
وأوباما اعتبره خطوة نحو الأمام .
والله دى سياسة مقدرش اقول حاجة عليها عشان مفهمش فيها
بس بنامل خير انه يعمل حاجة
وكفاية خطابه عن الدين الاسلامى وانه اساس كل حاجة وله الفضل على كل الناس
دى ىف حد ذاته غير كتير من نظرة الناس الخاطئة للدين السلامى
ههههههههههههههههه
والله الناس اصبح امرها غريب
ربك يتولانا
تحياتى
احمد الشاعر
إرسال تعليق