يا ريس احنا طلعنا جدعان معاك من 25 سنة واحنا ساكتين شوفنا الذل ومتكلمناش شوفنا الظلم وبرضه سكتنا......
شوفنا البلد بتتباع حتة حتة وسكتنا .....
كل ده كان جدعنة منا....
يا ريس رجالتك فى البلد دايسيين علينا....
وبرضه احنا ساكتين....
يا ريس الشعب مش لاقى لقمة العيش وبرضه ساكت .....
ياريس احنا اتبهدلنا وبعد ده كله بنهتف ونقول نفديك. هتقول ايه بقى شعب جدع !!!!
يا ريس احنا عايزين حاجة واحدة بس ..
زى ما سكتنا على الظلم !
زى ماسكتنا على الفساد!
زى ماسكتنا على السرقة !
خليك يا ريس جدع معانا !
مش هقول انك تتنحى لا سمح الله..
لا ما انا عارف ان اللى جاى مش قد اللى راح ولا نصه ولا حتى ربعه....
يا ريس أبوس أيدك علشان خاطرى وخاطر الشعب الغلبان
ما تجبشى لنا جمال...
ياريس جمال ابنك على دمغنا من فوق ...
بس مش فى دى يا ريس مش هنستنى 25 سنة كمان والله أعلم هيبقوا أقل أو أكتر....
يا ريت يا ريس تسمع لنا ولو مرة واحدة ..
هتسمع يا ريس ؟؟
.jpg)
هناك 6 تعليقات:
يا نهار أسود يا جدعان أنا كتبت ايه ؟؟ أنا كتبت ايه أكيد ما كانش قصدى
ربنا يستر!!!!
ممكن يكون الكلام الا انت قلته صح
وممكن يكون غلط
ممكن اكون معاك وممكن اكون ضدك
بس تأكد انى مع الحق
اوع ما تكنش على حق
المهم انى ببشرك انك ليك مستقبل حلو فى الكتابه بس
ابعد من سكت الريس
د الريس بتعنا غلبان غلبان اوى
انا دنا بدعيله فى كل صله ان ربنا يريح/ نا منه
خلاص كده خلصت سلام
4يسمع ايه يابنى
ههههههههههههههه
هوا فى حمير بتسمع
ماعلينا
شد حيلك
مجتمع التدوين محتاج ناس كتير زيك
وظبط نفسك كده
واحنا واقفين وراك
ماتخافش
اى مشكلة تقابلك قول عمار فتحى بس
وهاتاكل ضرب لما تشبع
هههههههههههه
اى خدمة
تحياتى
ع
م
ا
ر
الأخ غير معروف :
مهما يكن مكانك ,ومهماتكن أنت
فأنت أخى طالما أنك قد قلت الحق
بس أحب أقولك حاجة ان الريس بتاعنا غلبان فعلا علشان محسبهاش صح حسبها حسابات الدنيا ونسى انه هيتسأل قدام ربنا
وياريت معدناش ندعى عليه لأن واضح ان دعاؤنا ما بيأثرش
وشكرا
حبيبى قلبى عمار فتحى :
طالما أننا قد قبلنا أن نسير فى هذا الطريق
فلابد لنا من أن نصبر على الأذى
لابد أن نصبر على المحن
لابد لنا أن نقف فى وجه الظالم مهما كان ومهما بلغ
وما أجمل أن تسكب دماؤنا على أعتاب الحرية!
السلام عليكم ورحمه الله وبركاته
----------------------
طبعا انت ايه اخداك الحماسه ومختش بالك كتبت ايه
هههههههههههههههههههه
بس المهم انك كتبت وطلعت منك ربنا يعينك بئه
بص ليك علينا عيش وحلاوه
ولا احنا فى رمضان هنجمع ونجيبلك فرخه او كام فرخه كده عشان الناس اللى معاك هناك
وطبعا انت فاهم احنا وراك بس المهم تكون انت فى المقدمه
نداله شعب من قديم الازل "ههههههههه"
تسلم بجد بوست جامد اوى
--------------------------
إرسال تعليق