أمريكا هتضرب ايران..........
ايران هتضرب أمريكا..........
أمريكا تستعد لإيران............
ايران تستعد لأمريكا...........
واحنا ؟
احنا المشجعين !!
ماشيين شوية نقول أمريكا، وشوية ايران...
وأهو كله زى بعضه.
أمريكا تضرب ايران، ايران تضرب أمريكا
واحنا مالنا،
على العموم سواء أمريكا أو ايران كله بيعمل لمصالحه
وأنا ما أقدرش ألوم حد لأنه عاوز مصلحته
لا بالعكس أنا أحترم هذه الدول لأنها تعمل لمصالحها
أنا ما قدرش ألوم الا أنفسنا
تقدر تقولى احنا عملنا ايه نواجه بيه الكارثة اللى ممكن تحصل لو قامت الحرب ؟
تقدر تقولى احنا هنكسب ايه لو ايران حصلت على الطاقة النووية ؟
أو تقدر تقولى احنا هنكسب ايه لو أمريكا ضربت ايران ؟
الحل الوحيد اننا نعتمد على أنفسنا
وبدل ما نقول ايران والنووى وغيره نحاول يبقى عندنا احنا نووى
أو حتى نحاول اننا نسلح الجيش بسلاح متطور
أو يبقى لنا قرار سياسى قوى وكلمة مسموعة بين الدول
بس هتقول ايه بقى أصل احنا حكومتنا حكومة ملاك
.jpg)
هناك 7 تعليقات:
هههههههههههههه
الحمد لله لعقت أول تعليق
يا حبيب حكومتنا ملهاش الا فى اعتقال الشرفاء وعرضهم اما م عسكرى وسجنهم وحسبنا الله ونعم الوكيل
تحياتى
ع ب د ه
هههههههههه
نعمل ايه ؟؟
نووى ؟
هههههههههههههههههه
ياعم اجرى
احنا نظامنا ده وحكومتنا دى
يادوب تعم صينية بطاطس
او مكرونة باللحمة
انما نووى ؟؟؟؟؟
ماتهزرش ياعم عمار
ههههههههههههههه
وبعدين امريكا مين اللى تضرب ايران
ماتقدرش يابنى
امريكا ماتجرؤش على خطوة زى دى
تحياتى
ع
م
ا
ر
عبدالهادى
معاك حق هو ده فعلا الواقع
بس مش المفروض اننا نتفرج عليه
المفروض اننا نغيره ولا ايه؟
يقول الله تعالى "ان الله لا يغير ما بقوم حتى يغيروا ما بأنفسهم"
أخ عمار
طول ما احنا طموحتنا فى صنية البطاطس هيفضل هو ده حالنا ومش هنتغير أبدا وليه ما نعملش نووى هو احنا أقل من ايران فى ايه ؟
وعلى فكره انا ما يهمنيش ان ايران تضرب امريكا أو العكس أنا اللى يهمنى هو واقعنا احنا
كل واحد ليه
اجندة ...
امريكا ليها ... , و الشيعة و إيران ليهم ...
و احن افئران التجارب اللي عمالين يشتغلوا علينا ...
اييييييييييييييييه ... دنيا
توشك أن تتداعى عليكم الأمم كما تتداعى الأكلة إلى قصعتها قالوا
أو من قلة نحن يومئذ يا رسول الله
قال إنكم يومئذ كثيييييييييييير
ولكنم غثاء كثاء السيل
موضوع رائع جدا اشكرك عليه
إرسال تعليق